Një marinar është rrëzuar nga shkallët e një anijeje, ndërsa është plagosur rëndë.
Policia bën me dije se ngjarja ka ndodhur rreth orës 20:30, në portin e Durrësit, ndërsa i plagosur është shtetasi me inicialet Sh.L. 55 vjeç, i cili po merr ndihmën në spital.
“Rreth orës 20:30, në Spitalin Rajonal Durrës ka shkuar për ndihmë mjekësore shtetasi Sh.L., 55 vjeç, banues në lagjen 11 Durrës, punëtor në Portin e Durrësit (Marinar), i cili është rrëzuar nga shkallët e një anijeje”, thuhet në njoftimin e policisë.
Policia bën me dije se grupi hetimor ka shkuar në vendin e ngjarjes dhe po punon për zbardhjen e plotë të shkaqeve dhe rrethanave në të cilat ka ndodhur ngjarja.
