Kreu demokrat Lulzim Basha do të zhvillojë nesër takime në qarkun e Gjirokastrës, në kuadër të një turi takimesh në qytete të ndryshme të vendit.
Në këtë kuadër, kreu i degës së PD-së, Dasho Aliko i ka drejtuar një thirrje qytetarëve që t’i bashkohen tubimit që do të organizohet në orën 16:00 në kinoteatrin e qytetit të Gjirokastrës.
Në deklaratën para mediave vendore në Gjirokaster, kreu i PD Aliko, ka renditur arsyet e protestës së qytetarëve gjirokastritë ndaj qeverisë Rama dhe njëkohësisht ka garantuar se PD dhe opozita nuk kërkojnë pushtet në tavolinë, por interesi është përmbushja e standarteve për zgjedhje të lira e të ndershme.
“Kriteri bazë i opozitës, është krijimi i klimës së besimit te institucionet zgjedhore me qëllim që qeveria përmes mekanizmave të veta mos të deformojë rezultatin ashtu siç ka bërë deri më sot”, ka deklaruar Aliko.
