Klodian Tanushi, Majori i cili mbeti i plagosur dje në Letoni gjatë një misioni të NATO-s, ndodhet në gjendje të rëndë, konfirmuan burime zyrtare nga Ministria e Mbrojtes.
“Ministrja e Mbrojtjes Olta Xhaçka viziton dy efektivët e kontigjentit EOD, të plagosur një ditë më parë në Letoni. Xhaçka vizitoir major Klodian Tanushin, i cili ndodhet i shtruar në RIGA EAST UNIVERSITY HOSPITAL. Gjendja shëndetësore e Major Tanushit është e rënduar. Efektivi i FA ndodhet nën mbikqyrjen intensive të mjekëve”, thuhet në një njoftim të MM-së.
“Ministrja Olta Xhaçka vizitoi edhe Reshter Juliaj Kapajn, i cili aktualisht ndodhet në spitalin e bazës ushtarake Camp Adazi në Letoni. Gjendja shëndetësore e Reshter Kapajt është shumë e mirë”, sqarohet gjithashtu në njoftim.
Ministria bën me dije gjithashtu se: “Ceremonia shtetërore e lamtumirës për nëntetaren Zarife Hasanaj do të zhvillohet gjatë paradites së të premtes më 10 maj 2019. Trupi i efektives që humbi jetën një ditë më parë pritet të mbërrijë në Atdhe ditën e enjte, më datë 9. Trupi i efektives Hasanaj do të transportohet me avion ushtarak. Efektivja Zarife Hasanaj do të shoqërohet edhe nga një efektiv kanadez, një letonez dhe kolegë të saj shqiptarë, pjesë e kontigjentit ku bënte pjesë Efektivja Zarife Hasanaj do të pritet në aeroportin ‘Nënë Tereza’, me protokoll ushtarak e me pas do te dergohet prane familjes se saj”.
