“Lutem që shpirti i efektives Hasanaj të prehet në paqe”/ Basha shpreh ngushëllime për ndarjen nga jeta të efektives së FA-ve

“Me tronditje dhe dhimbje të thellë mësova lajmin tragjik për humbjen e jetës së efektives së Forcave tona të Armatosura Zarife Hasanaj gjatë angazhimit të saj në misionin e mbrojtjes kolektive të NATO-s në Letoni.

FOTO/ Kush është vajza nga Tropoja që humbi jetën në misionin e NATO-s

Në këto momente të rënda mendimet dhe lutjet e mija janë me familjarët dhe miqtë e Zarifes. Lutem po kështu për dy efektivët e tjerë, Klodian Tanushi dhe Julian Kapaj që mbetën të plagosur të jenë larg rrezikut për jetën dhe të kenë trajtim dhe shërim të shpejtë”, shkruan Basha në një postim në Facebook.

LEXO EDHE  Zot na ruaj/ Tjetër tërmet i fortë në Tiranë

“Me sakrificën e jetës së saj të re, Zarife Hasanaj është dëshmorja e dytë shqiptare e rënë në mision të mbrojtjes kolektive të Aleancës.

Duke ju uruar shërim të shpejtë dy efektivëve të plagosur, lutem që shpirti i efektives Hasanaj të prehet në paqe”, shton.