Në rrjet ka plasur humori lidhur me qëndrimin e mbajtur nga kryeministri Edi Rama, sa i takon debatit mbi kufijtë mes Kosovës dhe Serbisë.
Idea për arritjen e një marrëveshjeje që do të çonte deri në shkëmbime territoresh mes Serbisë dhe Kosovës, u server në Shqipëri, si një projekt amerikan, ndërsa prej javësh u trumpetua nga analisti baton Haxhiu, i njohur për mbështetjen ndaj kryeministrit Edi Rama.
Kundër kësaj ideje u renditën vendet e BE-së, ndër të cilat Gjermania që kundërshtoi fort një tezë të tillë.
Dhe ajo çka u pa nga Samiti i Berlinit tregoi se pas kësaj ideje nuk ishte BE-ja, por Serbia e Rusia.
Nuk dihet sepse kryeministri Edi Rama u rreshtua në krah të atyre që kishin këtë ide, por duket se ky qëndrim i tij, dhe raportet e tensionuara së fundmi me homologun, Ramush Haradinaj, ka bërë që në rrjetet sociale Edi Rama të trajtohet si një Hamza Kastriot i kohëve moderne.