Nga zyrtarët e lartë të qeverisë vijon të qarkullohet ideja se çështja e hapjes së negociatave në qershor varet më së shumti nga politika e BE-së se sa nga detyrat e shtëpisë që iu lanë Shqipërisë për tu plotësuar më qëllim integrimin në familjen evropiane.
Ndryshe nga një vit më parë, optimizmi tanimë duke i fashitur në radhët e drejtuesve të vendit. Fjalimet e tyre nuk shprehim shumë optimizëm dhe shembullin e fundit e jep kryeministri Edi Rama. Pikërisht ai, që në qershor 2018, kur u miratua drafti i parë i rezolutës nga KE, ka propaganduar se në qershor 2019 do të hapen negociatat mes Shqipërisë dhe BE-së. Shefi i ekzekutivit shprehej i qartë dhe i vendosur në atë çka deklaronte. Por, tanimë, nuk ka më siguri dhe buzëqeshje kur Rama flet për çështjen e integrimit.
Këtë të shtunë, gjatë një aktiviteti përkrah ambasadorit të BE-së në Tiranë Luigi Soreca, Rama u duk se shprehu pikërisht pafuqinë që Shqipëria të marrë në qershor një përgjigje pozitive për negociatat, kur artikuloi: “Çështja e transformimit varet gjithnjë më shumë jo me çfarë bën kandidati, por anëtarët”.
E njëjta ide që po qarkullon në masë nga “Rilindja” pas samitit të Belinit. Dy ditë më parë, e shprehu Gent Cakaj, i ngarkuar nga Rama për të drejtuar Ministrinë e Jashtme. “Procesi i integrimit varet nga një reformë e dyfishtë, ato që ndodhin në Shqipëri, përmbushja e kushteve dhe procesi reformator që po karakterizon BE-në”, tha Cakaj në një emisionin televiziv, “KE do ta publikonte raportin Shqipërinë në fund të majit. Do e publikojnë pas zgjedhje të PE. Indikator që procesi po bëhet politik”.
Të njëjtën ditë, Baton Haxhiu, këshilltar për çështjet e jashtme “zyrtar dhe në hije” i Ramës, hodhi të njëjtën ide. Më tej, Elisa Spiropali e të tjerë ministra e deputetë “Rilindas” po kërkojnë tu mbushin mendjen shqiptarëve se në rast dështimi në qershor, skenari më i mundshëm nga të gjitha shenjat e deritanishme, faji nuk është i tyre.
Kështu, pas mashtrimit të madh në qershor 2018, Rama po përgatit dështimin e madh.
/BoldNews.al/
