Sipas asaj që raporton Instituti i Gjeoshkencave, Energjisë, Ujit dhe Mjedisit, temperaturat maksimale pritet të arrijnë në 19 gradë, në vendet e ulëta, ndërsa kryesisht pasdite, parashikohen reshje.
RESHJET
Nesër (e shtunë dt.04) priten reshje, kryesisht pasdite. Ato do të jenë të dobëta në gjithë territorin, por lokalisht mesatare në qarqet Shkodër, Kukës, Berat, Korçë, Vlorë dhe Gjirokastër (siç tregohet në tabelë, respektivisht për secilin qark). Ekziston mundësia që në zona të kufizuara, reshjet të jenë në formë shtrëngate me kohëzgjatje të shkurtër, më të mundshme në terrenet malore (dhe ato pranë tyre).
TEMPERATURAT
Nesër (e shtunë dt.04) temperaturat minimale dhe maksimale të ajrit pritet të arrijnë:
në bregdet: 12 / 18 °C
në vendet e ulëta: 11 / 19 °C
në vendet malore: 5 / 16 °C
ERA
Nesër (e shtunë dt.04) era pritet të fryjë e lehtë deri mesatare, por në zonën bregdetare ajo pritet të forcohet, ku për momente do të fryjë deri e fortë.
