Dy persona mbetën të plagosur si pasojë e një aksidenti të rëndë të ndodhur mbrëmjen e djeshme në Berat.
Të plagosurit, në gjendje të rëndë, janë transportuar drejt spitalit rajonal.
Ngjarja e rëndë ka ndodhur rreth orës 23:40, kur automjeti tip Wolsvagen Amarok, me targa AA 120 MR, duke lëvizur me shpejtësi marramëndëse nga Gjykata në drejtim të Axhensisë, është përplasur me murin rrethues të Kishës së “Shën Dhimitrit”,duke e shembur atë.
Në vendngjarje kanë mbërritur efektivët e policisë rrugore,të cilët kanë rrethuar vendngjarjen dhe po hetojnë për shkaqet.
Drejtuesi i mjetit mendohet se ka qënë në gjendje të dehur.
