Briken Fejzullahu, ish-kryebashkiaku i natës në Bashkinë e Tiranës, përmes një postimi në rrjet ka thumbuar kryeministrin Edi Rama lidhur me kompaninë Air Albania.
Fejzullahu ka marrë shkas nga fakti që në kompaninë e fluturimeve shumica e lajmërimeve bëhen në turqisht, më pas në anglisht, ndërsa produktet që ndodhen në bordin e avionit janë turke.
“Nëse Air Albania është me të vërtetë një kompani shqiptare, përse shumica e (anunçimeve) lajmërimeve në bordin e avionit, bëhet fillimisht në turqisht dhe pastaj në anglisht? Shqip flitet vetëm për t’u thënë pasagjerëve të lirojnë korridorin (para nisjes) apo që të mos çohen, sepse avioni nuk ka ndaluar ende (pas mbërritjes)”, shkruan Fejzullahu.
‘AirAlbania’ u paraqit në fillimet e saj si një kryevepër e PPP-ve të Rilindjes.
Për t’iu mbushur mendjen shqiptarëve se kompania ‘AirAlbani’ ishte shqiptare dhe jo turke, rilindasit u vunë avionëve emrat e shkrimtarëve të mëdhenj shqiptarë.
Kompania e cila u shit tek qytetarët si shpëtimi i tyre, e cila do të sillte konkurrencë në treg me çmime të lira, rezultoi krejt e kundërta, pasi udhëtimet me ‘AirAlbania’, janë shumë më të shtrenjta se disa prej kompanive të tjera që operojnë në vendin tonë.
Postimi i Briken Fejzullahu
Status me dy pjesë
Pjesa 1
Edhe në aeroportin e ri të sapo bërë “sefte” të Stambollit, i cili me sy të lirë, më duket katërfishi i gjigandit Ataturk, njësoj si në 99.9% të aeroporteve që operojnë direkt me Shqipërinë; “Gate” për Tiranë, është në cepin më të largët, poshtë, në fund fare, pas Gate-eve për Mogadishu, Baghdad, Dar Al Salam apo Tunis… ku duhet të marrësh si gjithmonë autobusin, i shtypur si sardele, për të bërë 20 minuta rrugë, për të avioni. Dhe ti kujtohesh që pasaporta jote, vlen më pak se diploma e blerë, e një drejtori Rlindas.
Pjesa 2
Tani disa pyetje të sinqerta kisha unë, si një pasagjer që ndihet i tallur… përpos krenarisë fillestare, për të parë në qiell një avion me ngjyrat e flamurit:
1- Nëse unë biletën e pres me Turkish Airlines dhe paguaj çmimin e plotë të saj për të marrë shërbimin e shkëlqyer që Turkish ofron, përse fluturimin duhet ta bëj të detyruar, me një kompani low cost e cila që në emërtim, marketon një shërbim të reduktuar?
2- Nëse Air Albania është me të vërtetë një kompani shqiptare, përse shumica e (anunçimeve) lajmërimeve në bordin e avionit, bëhet fillimisht në turqisht dhe pastaj në anglisht? Shqip flitet vetëm për t’u thënë pasagjerëve të lirojnë korridorin (para nisjes) apo që të mos çohen, sepse avioni nuk ka ndaluar ende (pas mbërritjes).
3- Përse duke qenë kompani shqiptare, të gjitha produktet në bord janë turke? Nuk kemi ne fabrikë Coca Cola, uji natyral apo qoftë edhe kosi të lëngshëm apo “dhalle” që duhet të përdorim ato të sivllaut të Edvinit?
4- Që kur ne, nuk qenkemi më një vend laik, me tolerancë në besime të ndryshme fetare?
5- E fundit, por jo më pak e rëndësishme:
Përse, e quajnë loë cost kur nuk është e tillë, jqr?
Ps. Gjithsesi, të dëgjosh:
“Hello ladies and gentlemen! My name is Bujar and i am the cabin chief” is just PRICELESS!
