Kreu i opozitës, Lulzim Basha ka deklaruar nga Elbasani, se shqiptarët nuk do të kthehen sot më pas, por do të luftojnë deri në fund për lirinë e tyre nga ky regjim diktatorial.
Sipas tij, e keqja e të gjithave këtyre që po ndodhin është Edi Rama.
“Ju përshëndes dhe shpreh mirënjohjen time për kurajon qytetare për mosbindjen civile, për bashkimin tuaj në të gjithë Shqipërinë, për të treguar se përmes bashkimit, nuk ka asnjë hap pas, por vetëm hapa para në betejën për demokraci dhe liri. Dua të falënderoj mijëra automobilistë të cilët janë bashkuar me protestën tonë, jo thjeshtë dhe vetëm të ndalur në trafik, në këtë akt të paprecedentë në historinë e pluralizmin, por të vendosur kështu si ju, që përmes solidaritet me protestën e gjithë Shqipëria e bashkuar përçon një mesazh të qartë: Rama ik. Shkaktari i krizës totale të Shqipërisë, njeriu qa ja mbylli dyert Europës ka bërë në këto 6 vite zullume dhe krime në shtëpitë dhe jetët e çdo shqiptari. Sot shqiptarët dhe të rinjtë jetojnë kohët më të pasigurta dhe detyrohen të largohen nga familjet e tyre drejt emigracionit ,sepse nuk gjejnë shpresë dhe mundësi në vend, pasi paratë publike përfundojnë në xhepat e Ramës dhe ministrave të tij të korruptuar, dhe kryebashkiakëve të korruptuar si Qazim Sejdini. Fermerët protestojë sot, sepse gjendja e tyre e papranueshme ka mbërritur në kufijtë e së pamundurës. Ne jemi këtu të vetëdijshëm se nëna e të këqijave është vjedhja e votave nga Rama dhe bandat e tij kriminale, kjo ka shkaktuar edhe papunësi në të gjithë vendin”, u shpreh Basha.
Basha: Sot shqiptarët vulosin kufomën e organizatës kriminale me emrin Rilindje dhe kreun e saj Rama
