Të iki Lena dhe të vijë Prena nuk është zgjidhja më e mirë për Shqipërinë. Opozita ka shumë punë për të bërë, pasi duhet të shpjegojë sesi do të realizojë rritjen ekonomike, apo rritjen e të ardhurave për shqiptarët.
Kështu u shpreh pedagogu Erjon Kristo, aktivist i shoqërisë civile në studion e Oraneës. Kristo tha se politika morri në dorë frenat e protestës së studentëve, pasi pati frikë nga një lëvizje e tillë.
“Do të preferoja që protestat e sotme të opozitës, të ishin protestat e të rinjve dhe të rejave”, tha Kristo.
Lidhur me sjelljen e kryeministrit Edi Rama, Kristo tha se një sjellje tipike e tij është që sa herë që ndodh diçka, gjithë kohën komunikimi i tij është më kundërshtarin.
“Gjithë ironia dhe hidhësia e tij shkon për kundërshtarin, falxhorja, dhe disa muhabete që nuk e di, edhe në tryeza bajate të njerëzve, në komunikimet më bajate të shoqërisë nuk e gjen këtë lloj komunikimi. Ka rënë tërësisht llogaridhënia kolektive.
Deri më tani protesta e opozitës ka ngjallur shpresë brenda opozitës, dhe po t’i shikosh shifrat janë në rritje.
Si duket opozita mbaroi së qenëri fasadë, sepse deri dje ishte fasadë e qeverisë dhe tani është pozicionuar përballë. Kurse ende opozita nuk po ngjall shpresën tek pjesa gri”, tha Kristo.
