Ndodh edhe kjo/ Rilindja nxjerr 10 kandidatë për kryetar bashkie. Emrat

Asambletë e PS-së në rrethe po përcaktojnë kandidatët për kryetarë bashkie, të cilët më pas përzgjidhen nga kreu socialist Edi Rama dhe Asamblea Kombëtare e PS-së.

E ndërsa deri më tani për bashki të caktuara janë përzgjedhur deri në 3 emra, Asamblea e PS-së në Memaliaj ka thyer çdo parashikimi, duke nxjerrë plot 10 kandidatë.

Të gjithë emrat janë përcjellë drejt selisë qendrore të PS-së, duke shmangur në këtë mënyrë përplasjet mes grupeve që i kanë propozuar.

Mes emrave që janë propozuar është edhe ai i kryebashkiakut aktual, Durim Roshi, i cili ka më shumë gjasa të rikonfirmohet si kandidat i socialistëve.

LEXO EDHE  Pas dorëheqjes së Pjetrit/ Zgjedhjet për Bashkinë Shkodër, deputeti bën premtimin që se ka bërë asnjë: Kush na voton ne do...

Ndërkohë që përveç tij, Asamblea e PS-së ka vendosur që në listën e kandidatëve të përfshihen edhe : Arben Hysi, Petrit Lumani, Gjolek Gucaj, Etmonda Harizi, Hafize Sulaj, Asqeri Mucohima, Avni Lala, Gëzim Shehu dhe  Asim Dora. Deri në marrjen e një vendimi në datën 11 maj, çdokush prej emrave mund të shpresojë se mund të kandidojë për bashkinë e qytetit të vogël.