Asamblea e socialistëve në Libohovë ka përzgjedhur 3 emrat që garojnë si kandidatë për kryebashkiakë në rradhët e Partisë Socialiste.
Sikundër raportohet, Luiza Mandi, Arbër Kënaçi dhe Gazmend Çulla janë përzgjedhur nga anëtarët e Asamblesë, ndërsa vendimi final do të merret më 11 maj, datë kur socialistët nën drejtimin e Edi Ramës, do të mbledhin Asamblenë Kombëtare.
Afati përfundimtar i vendosur nga KQZ për regjistrimin e kandidatëve për kryebashkiakë për zgjedhjet e 30 qershorit është 13 maji.
Burime nga PS konfirmojnë se kandidatura e preferuar mes 3 emrave të propozuar është Luiza Mandi, e cila synon një mandate të dytë si kryebashkiake.
