Nga Bled Marku
Për të bërë një paralelizëm me zhvillimet e fundit politike të ditëve të sotme, ku opozita dikur parlamentare ka dalë në rrugë, dhe ajo e rrugës është futur “gabimisht” në parlament, po rikthehem pas në kohë 8 vite më parë, pra në vitin 2011, me po të njëjtën situatë politike, prag zgjedhjesh lokale.
Në atë kohë, kandidatët për Bashkinë më të madhe në vend, atë të Tiranës ishin kreu aktual i Partisë Socialistë Edi Rama, askohohe kryebashkiak në detyrë, dhe kreu i Partisë Demokratike Lulzim Basha, pretendent për të marrë Kryeqytetin.
Vëzhgimet e bëra në terren, tregonin qartë se Edi Rama do ta fitonte bashkinë e Tiranës. Ndaj, nevojitej një lëvizje gjeniale politike për të minimizuar votat ndaj tij.
Po çfar ndodhi në atë kohë? Në garën elektorale për Tiranën u përfshi edhe kandidati i Partisë Komuniste Hysni Milloshi, të cilit i`u numëruan 1394 vota nga elektorati i tij. Këto vota i`u hoqën Partisë Socialiste, e kësisoj Lulzim Basha u shpall fitues dhe Kryetar i Bashkie së Tiranës me 71 vota më shumë se rivali i tij.
Të gjendur në të njëjtën situatë, pas 9 vitesh, duket se kryeministri Edi Rama ka mësuar nga lëvizjet politike të kundërshtarëve të tij. Në një kohë kur opozita e bashkuar ka nënshkruar një marrëveshje me 10 pika, me kryesoren largimin e Edi Ramës nga posti i kryeministrit, krijimin qeverie tranzitore për garantimin e zgjedhjeve të lira, vjel edhe levizja e rradhës në skakierën politike.
Në çitjanet e Ramës, u ngjiz, u lind e u pagëzua në mes të ditës një parti e re, “Bindja Demokratike” por me aktorë të vjetër, Astrit Patozin. Ish-nëkryetari i PD-së i cili bënte edhe interlokutorin mes kryeministrit të atëhershëm Sali Berisha dhe grupit të deputetëve demokratë, tashmë ka dalë hapur kundër partisë që e promovoi, dhe sidomos kudnër kreut aktual, Lulzim Bashës, si zhgënjim për mospërfshirjen e tij në listën e deputetëve për zgjedhjet parlametare të 2017-tës.
Me një Logo Partie gjysëm të vjedhur grafikisht, Astrit Patozi kërkon t`ua mbushë mëndjen shqiptarëve se “stazhi” 2 vjeçar politik e ka ndryshuar, e ka bërë një person të cilit i duhet besuar. Edhe pse mban lartë “flamurin” e “kundërshtarëve politik” atë të Partisë Socialiste, që konsiston në sulm të hapur ndaj Bashës e denigrim të opozitës, fjalime të ngjashme me ato të prodhuara nga “Kinostudio ERTV”
Duke marrë shkas nga koha kur u krijua, deklaratat e saj në publik, normalisht më lind pyetja…..
A është Astrit Patozi,“Hysni Milloshi” i Edi Ramës ?
