Unë jam gati të bëj koalicion me Edi Ramën, Lulzim Bashën, Monika Kryemadhin, nëse ata shprehen se janë dakort të bëjnë ndryshimet në Kodin Zgjedhor.
Kështu u shpreh drejtuesi i Bindjes Demokratike, Astrit Patozi, mbrëmjen e sotme në Opinion.
Patozi tha se Bindja Demokratike është kundër sistemit aktual, ndërsa theksoi se është gati t’i japë dorën Edi Ramës nëse ai del dhe thotë se do ndryshojë Kodin.
“Nëse Edi Rama apo çifti Basha-Kryemadhi do të lihen vetëm, atëherë këta se kanë problem t’i vënë flakën Shqipërisë. Unë jam kundër kësaj idesë vëllavrasëse kur ca dalin në rrugë dhe hedhin kapsolla dhe thonë se nuk do të lejojmë që pjesa tjetër të shkojë në zgjedhje. Sikundër jam kundër asaj që mandatet që lenë ca deputetë, t’i marrin ca të tjerë”, tha Patozi.
Ai theksoi se nuk i do votat e PD-së, duke shtuar se miqësisht kërkon që ata të hyjnë në zgjedhje.
“Këtë qeveri jam gati ta rrëzoj që nesër, por nuk mendoj se ajo rrëzohet duke ikur nga zgjedhjet. Por ne s’jemi ne fanari ndriçues i Botës, që t’a shpikin si rrugë të rrëzimit të qeverisë.
Opozita nuk ka bërë një detyrë, nuk ka propozuar ndryshimet në Kodin Zgjedhor.
Lulzim Basha ishte vëllai im politik, më gjeti në PD dhe më përzuri”, tha Patozi.
