Kryetari i PDK-së Nard Ndoka i sheh dy liderët kryesorë në vend një hap buzë humnerës. Duke folur në një studio televizive, Ndoka tha se Basha do të bjerë në humnerë nëse bën një hap pas, duke iu referuar kërkesave të këtij të fundit për qeveri tranzitore dhe largimin e Ramës si kusht për zgjedhje të lira e të ndershme. Ndërsa Rama, në gjykimin e kreut të PDK-së rrezikon nëse do të bëjë zgjedhje pa pozitën.
“Të dy e kanë humnerën pranë, nëse Basha do bërë hapa prapa do bjerë në humnerë. Rama e ka para, nëse do bëjë një hap për të bërë zgjedhje pa opozitën do bjerë në humnerë. Do ishte interesante një bashkëpunim mes palëve politike me garantues Presidentin e Republikës”, tha Ndoka në “Syri.net”.
PDK-ja e Nard Ndokës ishte në mesin partive aleate të Bashës që kërkuan një tryezë gjithëpërfshirëse politike me ndërmjetësimin e Presidentit për zgjidhjen e krizës politike.
