Kur punoja në qeveri nuk ndjehesha mirë. Kështu u shpreh ish-zv.ministrja e Financave, Irena Beqiraj, e cila u shpreh se ka shprehur gjithmonë mendimin e saj kur ka menduar se kishte të drejtë.
Duke folur për raportet me Kryeministrin Edi Rama, Beqiraj tha se ai ka në dorë shumë sisteme.
Beqiraj kërkoi një kufizim të kompetencave të kryeministrit, duke shtuar se duhet të nisë me një kufizim të mandateve, jo më shumë se dy, të një politikani për të qenë në postin e Kreut të Qeverisë.
“Shqipëria ka probleme me demokracitë brenda partive, kjo ndodh sin ë PS ashtu edhe në PD”, u shpreh Beqiraj, ndërsa vlerësoi ish-kryeministrin Fatos Nano, liderin historik të PS-së, përsa i takon risive në politikën shqiptare.
Beqiraj foli për nevojën e reformimit të sistemit, port ha se nuk do të largohej nga PS, ndërsa do të qëndronte atje dhe të jepte mendimin e saj.
Lidhur me Bashkinë e Tiranës, Beqiraj theksoi se një problem që duhet përmirësuar është transparenca.
“Nëse i referohemi buxhetit të 2018, kemi 127 mln euro, nga të cilat 42 % kanë shkuar për investime kapitale, 26 % paga, 25 mirëmbajtje dhe operacione të tjera, 2 % për borxhin dhe 2 % për transfertat.
Por te 42 % i investimeve, kemi nevojë për një detajim, pasi ne jemi vend i vogël.
Unë e shikoj Tiranën më të jetueshme gjatë qeverisjes së z. Veliaj”, tha Beqiraj.
Përsa i takon Teatrit Kombëtar, Beqiraj u shpreh “le të marrim të mirëqënë se nuk kishim 30 mln euro, se duhej një Teatër me 6 salla, por ajo që nuk mund të pranoj në këtë rast dhe këtë ia kam thënë edhe Ramës, edhe Veliajt, që përderisa ne kemi një ligj koncensioni pse nuk hapet një tender, por bëhet një ligj i veçantë. Gjithashtu mungon komunikimi, pasi për të shembur një objekt si Teatri duhet të ketë një debat të gjerë”.
