Sulmohen dhe vidhen në Greqi, këngëtarët Alban dhe Beatrix Ramosaj.
Motër e vëlla, një ditë më parë, njoftonin mbi udhëtimin e tyre drejt Greqisë, ndërsa kanë shpërndarë për ndjekësit e tyre momente nga udhëtimi.
Por duket se në Selanik, ata janë përballur me një ngjarje jo fort të këndshme. Këngëtarët janë sulmuar dhe vjedhur, ndërsa policia nuk i është përgjigjur në kohë.
Albani dhe Beatrixi kanë zbuluar se disa persona kanë thyer xhamin e makinës së tyre dhe kanë marrë të gjitha gjërat me vlerë dhe pasaportat dhe dokumentat e tyre.
“Hera e parë në Greqi dhe na thyen makinën dhe vodhën pasaportat tona, dokumentat e makinës dhe disa gjëra të tjera. Kemi lajmëruar policinë dhe askush nuk është shfaqur ende. Çfarë duhet të bëjmë? Është çmenduri.”, ka shkruar Beatrixi.
“Ok, para se të gjykoni që si mund të hedh një gjë të tillë në Instagram, është hera e parë që ndodh diçka e tillë. Na vodhën pasaportat e disa dokumenta të tjera. Nuk kemi njeri në këtë qytet dhe policia ka mbi një orë e gjysmë që “është rrugës”. Thua të jetë ngaqë jemi shqiptarë? Thua ta keni bërë se kanë parë targat shqiptare? Apo e bëjnë shpesh këtë gjë këtu? Ç’mikpritje!” , ka përfunduar Albani.
