Deputeti Lefter Maliqi përmes një postimi në rrjetet sociale ka shprehur një qëndrim krejt tjetër nga ai i artikuluar deri më tani nga kolegë të tij ligjvënës, qofshin pjesë e PS-së, ashtu edhe nga rradhët e asaj që njihet si “opozita e re”.
Maliqi shkruan se situata politike nuk është aspak e mirë, sikundër edhe rendi dhe ekonomia, ndërsa shton se është koha për vepra dhe jo fjalë.
Madje Maliqi thekson se interesi i vendit janë zgjedhjet e lira dhe të ndershme, paqja, aspirate për t’u bërë pjesë e BE-së.
“Kohë reflektimi. Situata politike s’është aspak e mirë, po kështu rendi, siguria dhe ekonomia. Kohë për vepra jo për fjalë, kohë për zgjedhje me të gjitha palët jo gjysmake, kohë për paqe jo për konflikte. Interesi i vendit mbeten zgjedhjet e ndershme dhe të lira, rendi, siguria, mirëqenia, paqja dhe aspirata për tu bërë pjesë e Bashkimit Europian”, shkruan Maliqi.
