Masat e sigurisë ndaj kryeministrit Edi Rama në Shkodër kanë qenë ekstreme.
Nuk dihet nëse ka pasur frikë nga protestat qytetare, apo dyshime të tjera, por nga ana e policisë dhe gardës, gadishmëria ka qenë maksimale.
Vecc forcave speciale, të pajisura njëlloj sikur do të përballonin protesta të dhunshme, pranisë së efektivëve të Gardës së Republikës që shërbejnë si truproja, lëvizjet e kryeministrit në Shkodër janë vëzhguar edhe nga lartësitë.
Efektivë të sigurisë, policisë apo gardës, janë vendosur në lartësitë e ndërtesave, ndërsa vëzhgonin me dylbi, zonën përreth.
Ndoshta masat e sigurisë në këtë rast parashikohen dhe mund të jenë të aplikueshme, por vështirë të gjenden foto të takimeve të kryeministrit, qoftë edhe të Ramës, me masa të tilla dhe një angazhim maksimal të policisë.
