Sulmet dhe dhuna ndaj gazetarëve në Shqipëri ka sjellë reagimin e organizatës më të madhe ndërkombëtare për mbrojtjen e tyre “Komiteti për Mbrojtjen e Gazetarëve/ CPJ Europe and Central Asia / Committee to Protect Journalists.
Kjo organizatë ka publikuar në rrjet një seri reagimesh ku shpreh shqetësimin e thellë për gjendjen alarmante të medias dhe terrenin e rrezikshëm ku punojnë gazetarët në Shqipëri.
“Vetëm në 18 muajt e fundit, gazetarët janë qëlluar me plumba në shtëpitë e tyre, janë kërcënuara me armë zjarri, ndaj tyre është përdorur gaz në rrugë, janë kërcënuar me jetë edhe live në televizione, ju është revokuar leja e qëndrimit, janë targëtuar në fushata përbaltjeje si dhe janë paditur.
Të panumërta janë rastet e gazetarëve shqiptarë të ngacmuar, që kanë humbur vendet e punës ose janë kërcënuar me pushim nga puna dhe shumica e atyre që bëjnë raportime të pavarura, nuk përdorin emrat e vërtetë nga frika e përndjekjes”, postohet nga organizata.
Para disa ditësh, Reporterët pa Kufinj deklaruan që “sulmet ndaj medias si nga qeveria, ashtu edhe nga krimi i organizuar arritën në një nivel të paprecedentë në 2018”.
“#Gazetarët që janë subjekte të fyerjes, kërcënimeve me vdekje dhe procedimeve ligjore, që synojnë t’i intimidojnë dhe t’i frenojnë ata nga investigimi i korrupsionit”.
Raporti bën fajtor Kryeiministrin Rama, i cili përdor gjuhë agresive ndaj gazetarëve duke i quajtur “kazan dhe fabrika lajmesh të rreme”.
“Shqipëria cdo ditë e më shumë po bëhet një vend i rrezikshëm për punonjësit e medias”, raporton Exit.al.
Ish-deputetja Albana Vokshi, e cila ka postuar në rrjet reagimet shkruan se nën regjimin e Edi Ramës, nuk ka siguri për gazetarët e nuk ka media të lirë.
“Cclirimi i medias në Shqipëri, vetëm me largimin e Edi Ramës”, shkruan Vokshi.
