Deputetja Rudina Hajdari ka reaguar përmes komenteve në rrjetet sociale, ndërsa ka sulmuar qoftë opozitën ashtu edhe qeverinë lidhur me situatën politike në vend.
Marrëveshjen e partive opozitare për mospjesëmarrje në zgjedhje, Hajdari, e cilëson si fatalitet politik.
Ndërkohë që indiferencën e qeverisë dhe urinë për të glabëruar çdo ditë pushtet, deputetja e sheh si shkakun e drejtë për drejtë të krizës politike në vend.
Ajo apelon që palët të ulen në tryezën e bisedimeve dhe të gjejnë zgjidhjen e shumëpritur.
Postimi i Rudina Hajdarit
Marrëveshja ndërmjet partive politike të opozitës për mospjesëmarrje në zgjedhjet lokale, e shikoj si një fatalitet politik.
Nga ana tjetër, indiferencën e qeverisë për situatën e krijuar dhe uria absolute e saj për të gllabëruar çdo ditë pushtet, nuk përbën gjë tjetër, veçse shkakun e drejtë për drejtë të kësaj gjëndjeje.
Sa nuk është vonë të gjithë ata që duan të ardhmen e Shqipërisë, nuk duhet të qëndrojnë indiferentë, por të ulen në tryezën e bisedimit për të gjetur zgjidhjen e shumë pritur.
