Bashkimi Demokrat Shqiptar me kryetar Ylber Valtertin ka bërë kërkesë në KQZ për tu tërhequr nga zgjedhjet. Partia Bashkimi Demokrat ishte në mesin e 35 partive politike, që u regjistruan për zgjedhjet e ardhshme lokale.
“Vullneti i PBD është që zgjedhjet duhet të realizohen me pjesëmarrjen e opozitës dhe se në kushtet e mosregjistrimit nga partitë kryesore të opozitës, zgjedhjet do të konsideroheshin farsë dhe të dëmshme për Shqipërinë dhe interesat e qytetarëve shqiptarë”, shkruan kryetari i Partisë Bashkimi Demokrat, Ylber Valteri në kërkesën drejtuar KQZ-së.
Me këtë lëvizje, Bashkimi Demokrat duket se shkon drejt bashkimit me opozitën.
Kërkesa e PBD vjen në kulmin krizës politike në vend. Për pjesëmarrjen në zgjedhje, opozita e bashkuar ka vendosur si kusht largimin e kryeministrit Edi Rama dhe krijimin e një qeverie tranzitore për të garantuar zgjedhje të lira e të ndershme. Nga ana tjetër kryeministri Edi Rama shprehet i vendosur se zgjedhjet do të zhvillohen në 30 qershor, datën e dekretuar nga Presidenti Ilir Meta.
PARTITE E REGJISTRUARA NE ZGJEDHJE
Partia Socialiste e Shqipërisë
Partia e Gjelbër
Partia Kombëtare Konservatore Albania
Partia Kristian Demokratike
Partia Aleanca Demokristiane e Shqipërisë
Partia Socialiste e Moderuar
Partia Uniteti Kombëtar
Partia e Emigracionit Shqiptar
Partia për Mbrojtjen e të Drejtave të Punëtorëve të
Shqipërisë
Partia Personat me Aftësi të Kufizuar
Partia Lëvizja Punëtore Shqiptare
Partia Komuniste e Shqipërisë
Partia Zgjidhja
Partia Demokracia Sociale
Partia Ligj dhe Drejtësi
Partia e të Drejtave të Mohuara
Partia Demokracia e Re Europiane
Partia Aleanca për Barazi dhe Drejtësi Europiane
Partia Demokratike për Integrim dhe Prosperitet
Partia Ardhmëria Shqiptare
Partia Minoriteti Etnik Grek për të Ardhmen
Partia Aleanca Demokratike Shqiptare
Partia për Liri, Demokraci dhe Etikë
Partia Socialpunëtore Shqiptare
Partia Socialdemokrate Shqiptare
Partia për Demokraci dhe Solidaritet
Partia Bashkimi Demokrat Shqiptar
Partia Ora e Shqipërisë
Partia Bashkimi Liberal Demokrat
Partia për Mbrojtjen e të Drejtave të Emigrantëve
Partia e Reformave Demokratike Shqiptare
Parti Pajtimit Kombëtar Shqiptar
Fryma e Re Demokratike
Lista e Barabartë
Partia Bindja Demokratike
/BN/
