Aleati i Bashës: Uroj që Patozi të bëjë opozitë, por s’më pëlqen fakti që u regjistrua…

Dashamir Shehi, kryetar i LZHK-së, tha pasditen e sotme se lufta kundër Edi Ramës do të vazhdojë, dhe se negociatat me partitë e tjera politika nuk janë mbyllur, por që do zhvillohen vetëm kur çështja për të cilën negociohet është një gjë e madhe dhe me vlerë.

“Ne nuk jemi kundër negociatave, por ajo që negociohet duhet të jetë një gjë e madhe dhe me vlerë. Duhet të ndryshohet sistemi dhe njerëzit pjesë përbëresë të këtij sistemit.

Ne tentojmë të ulim gardhin që të kemi mundësi të bashkëpunojmë me parti të ndryshme, dhe partnerë të tjerë”, tha Shehi, në studion e Faxnews.

Kreu i LZHK-së  tha që i duket absurde krijimi i një partie vetëm një ditë para rregjistrimit në KQZ dhe se Bindja Demokratike nuk ka një plaformë për t’ia paraqitur shqiptarëve.

“Kam kontakte të vazhdueshme me zotin Patozi dhe nuk paragjykoj asnjë njeri. Por një parti që rregjistrohet në KQZ në ditën e fundit, pa program nuk më pëlqen, mund të ishte bërë 6 muaj më parë.

Pushteti me politikën janë gjëra të ndryshme. Këta janë marrë me pushtetin. Politikë bëhet  dhe pa qenë në pozitë”, tha Shehi.

Lidhur me koalicionin opozitar që u finalizua, Shehi tha që është rezultat i një marrëveshjeje disa vjeçare dhe se ideja kryesore që i bashkon  të gjitha këto parti është lufta kundër arrogancës së Ramës dhe shkatërrimit të Shqipërisë nga qeverisja e tij.

“Koalicioni është finalizimi i një marrëveshjeje disa vjeçare. Çdo ide e re, që nxit lirinë brënda një partie e konsideroj shumë të vlefshme. Ideja që pushteti që po na qeveris është arrogant, na dhunon si njerëz, po shkatërron ekonominë është ideja që na bashkon si opozitë. Ska nevojë të shkosh te një noter për të ndërtuar një koalicion. Ne nuk po e bëjmë këtë koalicion për pushtet po për hir të qytetarëve”, u shpreh Shehi.

LEXO EDHE  Koronavirusi në Shqipëri/ 17 viktima në 24 orë, 484 të shtruar në spitale

Shehu tha se Basha i ka premtuar partive të koalicionit ndryshim të sistemi zgjedhor.

“Ne kemi marrë një premtim nga Basha për të ndryshuar sistemin zgjedhor. Duhet të bashkojmë Shqipërinë dhe të largojmë shqiptarët nga flamujt partiakë, Jemi bashkuar me bindjen që Basha të sakrifikojë interesat e tij për të mirën e përgjithshme të Shqipërisë.

Lidhur me krijimin e partisë Bindja Demokratike dhe rregjistrimit në zgjedhje Shehi thotë që uron që kjo parti të bëjë me te vërtetë opozitë.

“Uroj Bindja Demokratike të bëjë me të vërtetë opozitën por koha do e tregojë këtë gjë, nëse janë me të vërtë kundër regjimit të Ramës.

Regjimi që po ndërton Rama është krimi më i rëndë që është bërë në 27 vite. Unë ngre në pikë pyetje nëse janë në të vërtetë opozitarë të Qeverisë, por që janë kundërshtarë të Bashës kjo gjë nuk më shqetëson dhe nuk e paragjykoj pasi çdo njeri ka mendimin e vet”, u shpreh  Dashamir Shehi.