Zgjedhjet lokale/ Një tjetër parti i bashkohet opozitës

Këshilli Kombëtar i Partisë Lëvizja e Legalitetit ka vendosur që të mos futet në zgjedhjet lokale të 30 qershorit duke iu bashkuar kështu vendimit të opozitës.

Kreu i PLL-së Shpëtim Axhami ka deklaruar se është në “mbështetje të aksionit politik që kryetari i opozitës së djathtë ka ndërmarrë, duke gjetur mbështetjen e te gjithë elektoratit tonë dhe më gjerë”.

Axhami ka konfirmuar faktin se nuk do të bëhen pjesë e zgjedhjeve të 30 qershorit pa u siguruar vota dhe plotësuar kushtet e vendosura nga opozita.

LEXO EDHE  Krimi në familje/ “Autori shoferi i drejtorit”, flet daja: Ishte xheloz për gruan

Partia Lëvizja e Legalitetit është aleati tradicional i Partisë Demokratike, dhe si një nga partitë më të vjetra në skenën politike shqiptare, vendimi i PLL-së shkon në të njëjtën linjë me atë të PD-së dhe opozitës në tërësi.