Shefja e shërbimit të spitalit në Elbasan, Teuta Ilirjani ka folur pas vdekjes së 25-vjeçares pasi lindi fëmijën e saj të parë.
“Erdhi me urgjencë, nuk iu bë vizita e zemrës. Ekzaminimet e tjera i janë bërë,”- është shprehur Ilirjani.
Ndërkohë familjarët e Debronit pretendojnë se kardiologu ka mbërritur në sallën e lindjes 3 orë me vonesë.
Të shokuar, ata u shprehen se mjekët janë treguar të pakujdesshëm dhe neglizhentë në lidhje me Rexhina Debrovën, pasi kjo e fundit ka mbërritur me urgjencë në spital.
“Kardiologu erdhi me vonesë. Vajza shfaqi komplikacione dhe kardiologu u vonua. Nuk i bënë kontrollet e nevojshme. Mjekët kanë treguar pakujdesi,”- mësohet të kenë thënë familjarët.
Rexhina Debrova ndërroi jetë ditën e sotme pasi lindi fëmijën e saj të parë. 25-vjeçarja ka pësuar arrest kardiak pas lindjes dhe ka ndërruar jetë.
