SPECIALE/ Shkëlqimi në fushë dhe jeta prej “djali të keq”, kush ishte bomberi që u gjet i vrarë

Tragjedi në futbollin brazilian. Ish-sulmuesi 36-vjeçar Valdiram Caetano de Morais u gjet i vdekur të shtunën në rrugët e Sao Paulos me shenja dhune në turp. Policia njoftoi dje se ka arrestuar tre të dyshuar. I lindur në shtetin e Pernambuco, Valdiram u pa si një sulmues i madh gjatë kohës që luajti te Vasco da Gama, ku luajti në krah të Romarios. Në fakt, ai u bë golashënuesi më i mirë i Kupës së Brazilit në vitin 2006.

Megjithatë, Valdiram ‘u dallua’ më shumë jashtë fushës së gjelbër. Sipas mediave braziliane, i njohur me emrin “djali i keq”, jeta e tij, para se të kalonte te Vasco da Gama, ishte problematike. Ai është akuzuar për abuzim seksual dhe ka pasur probleme me drogën. Që prej largimit të tij nga klubi në shkurt të vitit 2007, kalo në jo më pak se 18 klube të tjera deri në vitin 2011, kur karriera e tij preku fundin për shkak të rritjes së ndjeshme të problemeve me alkoolin dhe drogat.

Ai gjeti një mundësi në 2017-ën te skuadra Atlántico de Bahía, por u konfliktua me trajnerin dhe kështu u përjashtua.

LEXO EDHE  Furtunë te Kukësi pas eliminimit nga Europa/ Gjici shkarkon Ernest Gjokën

Veset morën kontrollin e jetës së tij, duke e lënë të rrënuar dhe madje ai përfundoi duke vjedhur disa nga ish-kolegët me të cilët ka luajtur në fushën e blertë.

Në fillim të 2018-ës, Valdiram u zbulua nga mediat braziliane duke bërë një jetë prej endacaku në veri të Rio de Janeiro-s. Pas kësaj, ekipi Vasco da Gama me të cilin ai luajti, kontaktoi Departamentin e Shërbimeve Sociale dhe ai u shtrua në një klinikë rehabilitimi. Por edhe kjo nuk ishte e mjaftueshme për të shpëtuar Valdiram-in. Në qershor ai u zhduk pasi u përjashtua nga klinika, u kthye në rrugë dhe ra sërish pre e drogës dhe alkoolit. Paraqitja e tij e fundit, sipas mediave lokale, është në një video në YouTube duke kërkuar ndihmë te ish shokët e ekipit te Vasco De Gama, ku shprehej se nuk kishte para dhe banim.

Këtë të shtunë, trupi i tij u gjet i pa jetë dhe, sipas Globoesporte, asnjë anëtar i familjes nuk u paraqit në morg për të identifikuar kufomën.

/Burimi: Marca – Përshtati Boldnews.al/