Prej më shumë një jave në Londër po zhvillohen protestat ambientaliste, dhe kërkojnë veprim urgjent nga qeveria për të trajtuar ndryshimet klimatike dhe krizën ekologjike.
Numri i aktivistëve të mjedisit të arrestuar gjatë tetë ditëve të protestave arriti mbi 1,000 të hënën, tha policia.
Ata kanë bllokuar disa rrugë kryesore dhe të frekuentuara në Londër, ku përfshihen Ura Waterloo, Oxford Street dhe Sheshi i Parlamentit.
Sot, policia po ashtu njoftoi se të gjitha rrugët janë hapur për trafik.
Policia tha se 1.065 njerëz ishin arrestuar në lidhje me protestat dhe ata kishin akuzuar 53 persona për krime, të cilët kanë bërë pengimin e autostradës.
Policia iu kishte bërë thirrje aktivistëve të kalojnë në Mermer Arch që të vijonin me protestën e tyre.
Protestuesit kërkojnë që qeveria të pranojë se ka një krizë mjedisore, të zbatojë politika ligjërisht obligative për të reduktuar emetimin e karbonit deri në vitin 2025, si dhe të formojë asamblenë e qytetarëve për mbikëqyrjen e ndryshimeve të nevojshme për arritjen e qëllimit.
Grupi ka premtuar se do të “ndryshojë tonin” e protestës dhe se do të jetë në rrugë “për aq kohë sa duhet”.
Policia e Londrës miratoi një kusht të rendit publik që nga e hëna në mbrëmje, që do të thotë që protestuesit duhet të largohen nga vendi i ngjarjes kur t’u kërkohet.
Protestuesit nuk u rezistojnë arrestimeve dhe shumica prej tyre lëshohen brenda disa orëve pas dhënies së deklaratave në stacionet policore.
