Ish-futbollisti i Skënderbeut bën hapin e madh në karrierë

Dean Liço, prej momentit kur luante me moshat e Skënderbeut dukej se në këmbët e tij kishte talent dhe ishte një futbollist me prespektivë për të ardhmen.

Futbollisti i Kombëtares U-19 në gusht të 2017 nënshkroi kontratë 5-vjeçare me klubin e Leganes në Spanjë. Por, në janar të këtij viti kaloi në formë huazimi me të rinjtë e Sportingut të Lisbonës, duke qenë një ndër më të mirët në ekip.

Puna e mirë gjithmonë e ka një shpërblim dhe klubi portugez njofton se talenti korçar i është bashkuar ekipit të parë në stërvitje.

“Ekipi kryesor i futbollit të Sporting Clube de Portugal u kthye në stërvitje të hënën për të përgatitur ndeshjen kundër Vitoria SC, për javën e 31 të kampionatit, të planifikuar për të shtunën, 27 prill.

Pjesë e skuadrës ka qenë dhe mesfushori Dean Lico, i cili pati mundësinë të punojë me ekipin kryesor”, thuhet në faqen e klubit portugez.

LEXO EDHE  VIDEO/ Skënderbeu bën 'çmendurinë', korçarët shënojnë në minutën e 95’

Sportingu është në një moment shumë të mirë në kampionat, teksa renditet në vendin e 3 me 67 pikë dhe në 5 ndeshjet e fundit ka arritur t’i marrë pikët e plota.

Kujtojmë se Dean Liço është i biri i ish-kapitenit të Skënderbeut, Gentjan Liçi, aktualisht zëvendës trajner i ekipit.