Policia e Shtetit njoftoi arrestimin e 4 personave lidhur me grabitjen e ndodhur në pistën e aeroportit Nënë Tereza, ngjarje e ndodhur më 9 prill.
Lidhur me operacionet e ndërmarra nga policia, ka reaguar edhe kryeministri Edi Rama, sipas të cilit ky është “një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit”.
Sipas tij, sa më shumë baltoset policia, aq me shumë rritet forca e saj goditëse.
Postimi i Ramës
Ndalimi i 4 personave të përfshirë në grabitjen e aeroportit,një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit.
Policia e Shtetit duhet të provojë përditë se sa më shumë sulmohet e baltoset,aq më shumë rritet forca e saj goditëse.
