Shqiptarët kryesojnë listën e shtetasve që kërkojnë azil në Irlandë. Kjo është bërë e ditur nga Zyra e Emigracionit në Irlandë, e cila ka publikuar numrin e shtetasve që kanë aplikuar për azil gjatë muajit shkurt.
Referuar të dhënave 138 shqiptarë aplikuan në total për azil, ku arsyet kryesore janë për shkaqe ekonomike dhe politike. Kjo shifër është mbi dy herë më e lartë se e njëjta periudhë e 2018, ku aplikimet nuk kalonin 56 persona.
Pas shqiptarëve renditen gjerogjianët dhe më as shtetasit nga Zimbabve.
Kërkesat për azil në shifra të larta kanë shqetësuar shumë vende europiane, ku rreth një vit më parë Franca dhe Holanda ngritën shqetësimet lidhur me situatat e krijuara.
Gjithashtu Gjermania u prek nga ky fenomen kur qindra shqiptarë emigronin drejt vendit lider të BE-së me shpresën për të përfituar azilin.
E ndërkohë vetëm pak ditë më parë parlamenti i Holandës kërkoi rikthimin e vizave për shqiptarët, ku një nga çështjet që bazohej kjo kërkesë ishte edhe emigracioni i paligjshëm.
