Javën që kaloi u njoftua se disa nga ata që cilësohen si “opozita e re” në Parlament dhe disa ish-funksionarë të PD-së, do të krijojnë një parti të re, e cila mund të quhet “Bindja Demokratike”.
Njoftimi është pasuar me një seri reagimesh pro dhe kundër, ndërsa ajo që pritet të drejtojë këtë subjekt të ri parlamentar është Rudina Hajdari, deputete e PD-së, tashmë e përjashtuar nga kjo parti, pasi nuk dorëzoi mandatin e ligjvënëses.
Analistë dhe gazetarë, pranë qeverisë apo kritikë me PD-në, janë rreshtuar në krah të nismës për krijimin e një partie të re, pjesë e të cilës pritet të jetë edhe Astrit Patozi.
Ndërkohë që në reagimet kundër një nisme të tillë është artikuluar ideja se kjo është një lojë që po përpiqet të bëjë Edi Rama, duke përdorur si fasadë disa deputetë dhe ish-funksionarë të larguar nga PD, që do të hyjnë në zgjedhjet lokale dhe do të legjitimojnë deri diku procesin.
Mero Baze në një artikull të botuar te Tema, i cilëson si idiotë dhe bir k*rvash, të gjithë ata që kanë dalë kundër Rudinës, që sipas tij kanë shpifur dhe kanë deformuar faktet në drejtim të vajzës së ish-liderit të dhjetorit Azem Hajdari.
“Ka 24 orë që nuk ka ngelur portal i opozitës propagandist i saj, të punësuar nga “call center”-i i Kunatit, përfshi dhe një sërë emrash të përdorur nga politika në rolin e qenit të gjahut, pa hedhur baltë mbi Rudina Hajdarin. Dogmatikë dhe liberalë, idiotë dhe “bira kurvash” që bëjnë si të zgjuar, sharlatanë dhe honorarexhi, të gjithë janë vënë në rresht të hedhin nga një gurë, pas lajmit se një parti politike mund të rregjistrohet në zgjedhje, deri ditën e martë.
Rudina Hajdari aktualisht drejton grupin e deputetëve të opozitës në Kuvend, dhe po ashtu është shprehur publikisht për nevojën e pjesmarrjes në zgjedhje. Deklaratën e saj e përshëndeti Astrit Patozi, dhe kaq duhej, që kjo çetë propagandistësh, të prodhonin çiftin Hajdari-Patozi, si themelues të një partie.
Në fakt, ata kanë të njëjtin qëndrim për të marrë pjesë në zgjedhje, por askush prej tyre, as veç e veç dhe as së bashku, nuk kanë ndonjë deklaratë zyrtare që po formojnë një parti.
Rudina e ka sqaruar dhe në disa portale, aq sa ka mundur, se nuk është e përfshirë në krijimin e ndonjë partie, por po udhëheq një grup opozitar në Parlament, që bën thirrje për të marrë pjesë në zgjedhje.
Deri më tani kam dëgjuar Ylli Manjanin, që ka dhënë “detaje” artistike nga krijimi i partisë, dhe nga motivimi i saj.
Nikoll Lesi ka caktuar dhe vendin ku është krijuar partia, tek zyra e Edi Ramës, biles ka shkruar dhe për financimin e saj. Nikolla në fakt, ngaqë partinë e tij e ka blerë, nuk e kupton se si mund të bëhet partia pa lekë. Në këtë pike, ka të drejtë”, shkruan ndër të tjera Baze.
