Kërkohej në Shqipëri për mashtrim, arrestohet në Itali. Mediat italiane raportojnë për arrestimin e një 36-vjeçari shqiptar, emri i të cilit nuk bëhet publik.
Ai rezulton i shpallur në kërkim në Shqipëri prej vitit 2017 me akuzën e mashtrimit.
36-vjeçari u arrestua në Jesi, ku fshihej prej dy vjetësh. Ai banonte në një apartament dhe kishte një sjellje normale me fqinjët, duke mos tërhequr vëmendjen.
Pritet që ai të ekstradohet drejt Shqipërisë ku edhe do të kryejë dënimin.
