Kryeministri Edi Rama e cilësoi “lojë të brendshme” të politikës holandeze vendimin e parlamentit të Holandës për kthimin e vizave ndaj shqiptarëve.
5 parti politike në Holandë, më 16 Prill, votuan në Parlament për rikthimin e vizave për Shqipërinë me argumentin se ka pasur një rritje të ndjeshme të kriminalitetit nga mafia shqiptare në Holandë. Sot, nga foltorja e Parlamentit, Rama tha se vizat nuk hiqen pasi procedurat që kjo të ndodhë janë të komplikuara.
“(Vendimi) Nuk ka asnjë implikim të drejtpërdrejtë në lëvizjen e lirë të shqiptarëve”, tha Rama nga foltorja e parlamentit. Në asnjë rast, kryeministri nuk pranoi se ndoshta politika e qeverisë së tij mund të ketë detyruar shqiptarët të shesin drogë rrugëve të Holandës.
“Për revokimin e lëvizjes së lirë duhet të përmbushen disa kritere objektive. Asnjë prej të cilave s’përkon me realitetin e faktorit nëse mund ta quajmë kështu shqiptar në Holandë. Më e bukura është se ministri për Drejtësinë dhe Sigurinë e Holandës, në seancë parlamentare reagoi duke thënë pikërisht këtë se s’ka asnjë kriter të përmbushur negativisht për të adresuar këtë problematike me vendim të parlamentit. Ministri i cili vizoi para pak ditësh Shqipërinë dhe u shpreh me tone shumë pozitive në raport me ecurinë e bashkëpunimit mes dy vende”, tha Rama.
Më tej, kryeministri u ndaj të procedura standarde që ndiqet pas votimit në parlamentin holandez: votimi në Këshillin Europian.
“Duhet konsensusi i të gjitha vendeve të BE-së për të çuar përpara procedurën. Nëse garantohet shumica e cilësuar atëherë i çohet Parlamentit Europian. Është një rrugëtim i atillë për të kuptuar se ajo që ka ndodhur është futja në funksion e disa partive politike që janë haptazi parti me një vokacion në kundërshtim me vlerat dhe parimet që mbrojnë parti pro evropeiste dhe në kushtet e një fushatë elektorale, janë bashkuar dhe vota të tjera për të mos u vënë në presionin e partive të tjera. Është një lojë e brendshme që s’impakton asesi lëvizjen e lire të qytetarëve shqiptare, 0”, tha Rama.
Më tej, një pjesë të gjatë të fjalimit të tij në foltoren e Kuvendit, ja dedikoi sulmeve ndaj opozitës, që sipas tij, gëzohen për vendimin e parlamentit holandez. /BN/
