Besimtarët katolikë nisin sot 3 ditëshin e parë të kremtimit të Pashkëve

Sot është dita e parë e Treditëshit të Pashkëve, duke shënuar kështu fillimin e njërës nga festave më të mëdha për të krishterët, e që konkludohet me ngjalljen e Krishtit.

Ditën e sotme Papa Francsku kremtoi meshën e Bagmit, ku dhe ka mbajtur fjalën me mesazhe inkurajuese dhe nxitëse për të gjithë besimtarët e krishterë, duke I bërë ata më të fortë në besim.

Sipas Radio Vatikani këtë pasdite Papa Francesku do të kremtoi meshën e Darkës së Mbrame me ritin e larjes së këmbëve në burgun e Veletrit, pranë Romës.

Me të Enjten e Madhe e të Shenjtë, e njohur edhe si e Enjtja e Mistereve, filloi Treditëshi i Pashkëve, që arrin kulmin në vigjiljen, natën e Pashkëve dhe pastaj përfundon me Mbrëmësoren e dytë të së Dielës së Ngjalljes së Krishtit, të Dielën e Pashkëve.

LEXO EDHE  Borxhi tatimor paguhet edhe me këste/ Ja tre hapat që duhet të ndiqni...

Janë 72 orët në të cilat, më shumë se kudo, feja e krishterë gjen arsyen më të thellë të qenies së vet. Ngjarjet e Treditëshit të Pashkëve, janë shprehja më e lartë e dashurisë së Zotit, që i japin zemrës njerëzore paqe e mirësi.

E Enjtja e Madhe, me Jezusin që na e dhuron plotësisht vetveten, duke na lënë Eukaristinë;

E Premtja e Madhe, me dramën e Udhës së Kryqit e të Kalvarit të Jezu Krishtit;

E Shtuna e Madhe, me heshtjen e thellë të varrit të Jezu Krishtit.

Secila nga tri ditët e mëdha të kësaj Jave të jashtëzakonshme të Pashkëve, na sjell kuptimin e thellë të jetës dhe të veprës shëlbimprurëse të Jezu Krishtit, si për shembull Mundimet e Krishtit me simbolin e tyre, Kryqin, që na flet për vdekjen dhe për shëlbimin.