“Puritanizmi” i ONM, si mbyll sytë para shkeljeve të Komisionerëve të Vetingut

Nga Boldnews.al

Operacioni Ndërkombëtar i Monitorimit (ONM) raportohet se ka nisur një procedurë verifikuese për kryetaren e Kolegjit të Posaçëm të Apelimit, për një situatë të dyshuar konflfikti interesi me subjektin e rivlerësimit Artur Malaj, gjyqtar i Gjykatës së Apelit Administrativ, i cili pritet të përballet me shkallën e dytë të Vetingut.

ONM është vënë në lëvizje nga një ankesë zyrtare që ka mbërritur në zyrat e tij. Procesi i verifikimit është në zhvillim dhe rezultatet e tij ende nuk kanë dalë. Megjithatë, rasti dëshmon se vëzhguesit ndërkombëtarë janë treguar operativ në rastin e supozuar të gjyqtares Mulaj.

Por ky angazhim nuk shkon në të njëjtën gjatësi vale me qëndrimet e mëparshme, tërësisht pasive, të vëzhguesve të ONM, për disa raste shkeljeje ligjore nga ana e anëtarëve të Komisionit të Pavarur të Kualifikimit (Vetingut).

Në një komunikim zyrtar të para disa kohëve me “Boldnews.al”, Operacioni Ndërkombëtar i Monitorimit u shpreh se nuk shihte asnjë arsye për të nisur verifikimet mbi shkeljet e supozuara të një numri të konsiderueshëm komisionerësh të Vetingut.

1. Lulzim Hamitaj
Komisioneri Lulzim Hamitaj dyshohet se ka falsifikuar dëshminë e njohjes së gjuhës së huaj. Ai aktualisht është nën hetim nga Prokuroria e Tiranës, pas disa publikimeve të “Boldneës.al” dhe Partisë Demokratike, të dokumentave që krijojnë dyshime të forta se Hamitaj ka kryer veprën penale të “falsifikimit të dokumentave”.

Në një përgjigje zyrtare për “Boldnews.al” në Gusht 2018,, Operacioni Ndërkombëtar i Monitorimit deklaroi se “ONM nuk ka dëshmi për të mbështetur pretendimet e medias”.

2. Suela Zhegu
Komisionerja Suela Zhegu u akuzua nga subjekti i rivlerësimit, prokurore Rovena Gashi, për konflikt interesi, një situatë thuajse e ngjashme me atë që tashmë ONM po kryen verifikime për gjyqtaren e Kolegjit të Apelimit, Natasha Mulaj.

LEXO EDHE  Kërkon të kandidojë për kryebashkiak, ndalohet nga KQZ

Pas pretendimeve zyrtare të Gashit, komisionerja Zhegu dha dorëheqjen nga trupa gjyqësore që po kryente verifikimit të prokurores, megjithëse kishte qëndruar thuajse 5 muaj në kushtet e konfliktit të interesave.

Edhe për këtë rast, ONM, në një komunikim me “Boldnews.al” deklaroi se: “Deri më tani, ONM nuk sheh asnjë bazë për të kërkuar inicimin e procedurave disiplinore kundër Komisionerëve, lidhur me ngjarjet që kanë të bëjnë me rastin e znj. Gashi”.

Gjithashtu, Operacioni Ndërkombëtar i Monitorimit nuk ka asnjë procedurë të nisur për verifikimin e dyshimeve mbi pasurinë e komisioneres Zhegu, të dhëna që lidhen me integritetin e saj personal.

Në një artikull të pak ditëve, “Boldnews.al” publikoi të dhëna që hedhin dyshime mbi blerjen e 4 apartamenteve nga ana e komisioneres Zhegu, në në një kohë që financat familjare të saj dukeshin në vështirësi të mëdha.

3. Valbona Sanxhaktari
Operacioni Ndërkombëtar i Monitorimit nuk ka kryer asnjë verifikim lidhur me integritetin personal të komisioneres Valbona Sanxhaktari e cila, në bazë të të dhënave zyrtare, ka ndërtuar pa leje dhe ka krijuar të ardhura prej kësaj paligjshmërie.

4. Roland Ilia
Operacioni Ndërkombëtar i Monitorimit nuk ka ngritur asnjë pretendim për komisionerin Roland Ilia, i cili është në detyrë në kundërshtim flagrant me ligjin. Ilia ka qenë kandidat për deputet i Lëvizjes G-99, e drejtuar nga Erion Veliaj, i cili sot është një prej figurave qëndrore të Partisë Socialiste në maxhorancë.