U deshën 100 vite për ta ndërtuar dhe flakët e një ore për ta shkrumbuar, historia e katedrales Notre Dame

Katedralja e ndërtuar për një shekull, ‘Notre Dame’ u përfshi sot nga flakët duke i lënë në mosbesim sytë e të gjithëve që një monument i kësaj magnitude po shkatërrohej në sytë e të gjithë adhuruesve të arkitekturës gotike.
Katedralja e Parisit, Notre Dame është një nga katedralet mesjetare katolike më të njohura dhe konsiderohet si një nga shembujt më perfekt të stilit gotik arkitekturor francez.

Ndërtimi i katedrales e nisi ndërtimin në vitin 1160 dhe u përfundua në vitin 1260, ku mori modifikime të tjera në shekujt në vazhdim. Gjatë epokës së revolucionit francez, shumica e imazheve dhe pikturave teike u shkatërruan.

Ishte novela e Viktor Hygo, ‘Notre Dame de Paris’ e cila në shqip njihet me emrin ‘Shën Mëria e Parisit’,  i solli interesin e merituar nga publiku i gjerë për katedralen e ndërtuar për një shekull në fillim të mijëvjeçarit të dytë.

Personazhet e mirënjohur të Hygo, Esmeralda dhe Kuazimodo jetojnë në sinkron me katedralen e famshme, personazhe të cilat bënë që secili nga çdo cep i botës të dashurohej me historinë, arkitekturën dhe zhurmën e kambanave.

LEXO EDHE  Tragjedi në det, vdesin 12 persona

Një restaurim i madh u bë nga Eugene Viollet-le-Duc, i cili vazhdoi në vitin 1845 dhe zgjati për plot 20 vite, duke hequr nga fasada e katedrales papastëritë e disa shekujve dhe duke risjellë kështu ngjyrën e saj origjinale për sytë e vizitorëve.

12 milionë njerëz e vizitojnë katedralen çdo vit, duke e bërë kështu monumentin më të vizituar në Paris.

Sot më 15 prill 2018, fatkeqësisht shënohet një ditë mjaft pikëlluese për këtë monument aq domethënës për arkitekturën, historinë, artin etj,  pasi u përfshi nga flakët dhe u shkrumbua para syve të parisienëve dhe gjithë botës.

Flakët nisën rreth orës 19:00 në pjesën ku katedralja po restaurohej dhe akoma nuk dihet shkaku i përfshirjes nga flakët.

Të gjithë sytë e botës janë përqëndruar tashmë në Paris dhe të gjithë po shpresojnë që ky simbol mesjetar të shpëtohet aq sa të mund të restaurohet një ditë përsëri./Dosja/