Ish-deputetja e Partisë Demokratike, Grida Duma është përplasur me avokatin Spartak Ngjela, i cili deklaroi se “protestuesit i njoh nga kafkat që janë të paguar”.
“Nuk mund të thuash që i njoh nga kafkat. Nuk të zbresin ty amerikanët te shtëpia që na tregon ti planet e tyre”, tha Duma në emisionin “Open”.
Ndërsa Ngjela u përgjigj “ke ardhur të flasësh me mua apo për mua?”
Sipas Dumës, nuk ka asnjë vështirësi për një turmë për të hyrë në Kuvend, por nuk ka dashur.
Sipas saj, ekuilibri më i madh ka qenë për të mbajtur paqësisht këtë protestë.
