Pas protestës së djeshme të opozitës, policia ka shoqëruar mbi 60 qytetarë, nga të cilët 37 janë shoqëruar me akuzën e ushtrimit të dhunës.
Të paktën 20 qytetarë u arrestuan menjëherë pas protestës, ndërsa pjesa tjetër u shoqëruan në orët e natës dhe gjatë ditës së sotme.
Arrestimet e protestuesve shkaktuan debate në distancë mes pozitës dhe opozitës, ndërsa Kryeministri Edi Rama ka përgëzuar policinë.
“Policia e Shtetit dha dje një tjetër shembull kuptimplotë dinjiteti në krye të detyrës, ndërsa dhunuesit e saj një tjetër arsye për t’u braktisur nga çdo qytetar i denjë i kësaj republike”, shkruan Edi Rama.
