Ish-deputeti demokrat, Oerd Bylykbashki, ka reaguar sërish për dhunën e policisë ndaj qytetarëve që protestuan.
Përmes një reagimi në Facebook, Bylykbashi thekson se Sandër Lleshi është një manekin që zbaton urdhërat e paligjshëm të një kryeministri të paligjshmëm.
Sipas Bylykbashit Lleshi hodhi poshtë gradat e gjeneralit për të zbatuar urdhërat e Ramës. Ndërsa shton se Ministrin e presin 6 muaj burg për dhunën e urdhëruar ndaj qytetarëve.
Ja postimi i Bylykbashit:
Kur Rama te hoqi spaletat dhe graden e gjeneralit per te te bere minister, ti pranove te te hidhnin poshte nje karriere te tere ushtaraku deri ne majat e saj. T’i heqesh gradat nje gjenerali eshte si t’i marresh burrnine. Po ti s’e pate problem mer Minister Lleshi.
Pas kaq zullumesh qe ke bere per llogari te urdheruesit tend ne kurriz te qytetareve qe mbrojne shtepite apo protestojne per te drejtat e tyre, mendo ndonje pune ne privat. Nje gjeneral i mire kundershton urdherin e paligjshem, por ti pranove te heqesh gradat per te zbatuar urdherat e paligjshem. Mos harro, vetem me 6 muaj denim me kusht per zullumet e tua, ty te ndalohet te punosh per te pakten 5 vjet edhe si specialist i thjeshte. Se me buke ne traste nga pas do te na kesh.