Disa minuta reshje shiu në Tiranë dhe rrugët e kryeqytetit janë përmbytur.
Zona që ka pasur më shumë probleme ka qenë ajo në Kombinat, ndërkohë që edhe mjaft rrugë qendrore të Tiranës janë mbuluar nga uji.
Fotot e mëposhtme tregojnë se niveli i ujit është disa centimetra, ndërsa një punonjës i ndërmarrjeve të bashkisë mundohet të zhbllokojë një nga pusetat.
Ndoshta kryebashkiaku duhet të ketë më shumë në vëmendje qytetin që mburret se e ka ndryshuar, sesa fasadat apo postimin në rrjet të gjobave që vendos pas protestave.
