Aleanca për Mbrojtjen e Teatrit mbështet protestën e opozitës, e cila do të zhvillohet në orën 18:00 në bulevardin “Dëshmorët e Kombit”, përballë Kryeministrisë.
“E patëm thënë që në krye të herës, që përpjekja për të shëmbur Teatrin Kombëtar do të shënonte fillimin e rënies së kësaj qeverie që e ka çuar vëndin në kolaps!
E nisën me grabitjen e pronës publike, për të vazhduar grabitjen e pronës private, të banorëve të Astirit, Bulevardit të ri dhe nesër mund të jetë rradha jote!
Ndaj për Teatrin, për dinjitetin, për mbrojtjen e demokracisë, për shëmbjen finale të diktaturës, kundër arrogancës shtetërore, kundër plaçkitjes që kjo qeveri i bën vëndit të vet: sot të gjithë para Kryeministrisë në orën 18.00, për një Shqipëri më të mirë!”, shkruan Budina.
