Një shqiptar, emri i të cilit nuk bëhet i ditur, është arrestuar në aeroportin ‘Lanzarote’ në Spanjë. Ai u ndalua nga policia spanjolle ndërsa po tentonte të shkonte në Irlandë duke përdorur identitet të rremë.
Mediat spanjolle shkruajnë se shqiptari është i moshës 35 vjeç, por pa dhënë emrin e tij.
Pas kontrolleve të kryera rezultoi se shqiptari përdorte emrin e një shtetasi grek dhe për këtë është shoqëruar në rajonin e policisë dhe po merret në pyetje. Ai ndërkohë mbante me vete edhe dokumentet origjinale.
Ajo që cilësohet si lehtësuese për shqiptarin e ndaluar është fakti se nuk rezulton me precedent penal, ndërsa do të hetohet për veprën “falsifikim dokumentesh”.
