Kreu i Partisë Demokratike dhe opozitës së Bashkuar, Lulzim Basha, e cilësoi një fitore të madhe protestën e ditës sotme.
Në përmbyllje të protestës më të madhe të historisë së pluralizmit shqiptar, Basha tha se do të luftohet ditë e natë kundër regjimit të Edi Ramës, deri në kthimin e demokracisë dhe legjitimitetit në vend.
‘Sjelljes prej pushtuesi të Edi Ramës dhe klikës së tij kriminale do të marrë përgjigjen e merituar çdo ditë çdo natë, duke e trajtuar si pushtuesin e institucioneve. Ndaj le ta vazhdojmë këtë betejë sepse jemi në rrugën e sigurtë. Prandaj me këtë betejë le të marrim me vete historinë për tu treguar brezave, se natën kur po fundosej Shqipëria për shkak të korrupsionit, hajdutëve, kriminelëve, ne nuk e ulëm kokën ne nuk heshtëm u çuam protestuam dhe fituam. Le të bëhemi gati pqër çlirimin e Shqipërisë në çdo cep të sa nga klika kriminale e Edi Ramës. Sovrani foli sot, sovrani vendosi se shumica e përjashtuar, shumica e vjedhur, gjobitur, burgosur, poshtëruar, do të jetë nesër shumicave e njerëzve me dinjitet dhe krenari, që do të ndërtojnë këtu jetën e tyre me kushte dinjitoze dhe me rroga dinjitoze, dhe se Shqipëria e vogël e kriminelëve, do të varroset në arkivat e zeza të kombit’, deklaroi Basha.
