Ditën e sotme, gazetari i Klan Plus, Realdo Salianji u shty duke u përplasur pas murit nga truproja e kryeprokurores së përkohshme, Arta Marku pasi ishte duke i drejtuar pyetjen: A do të hetohen përgjegjësitë administrative lidhur me mungesën e kushteve të sigurisë në aeroportin e Rinasit?
Pas kësaj ngjarjeje gazetari ka reaguar me një postim në rrjetet sociale duke u shprehur se dhuna ndaj tij ishte e pakumptimtë, duke argumentuar se Arta Marku “mund të zgjedhë të mos flasë për të mbuluar budallallëkun që e karakterizon por jo të dhunojë një gazetar”.
Postimi i plotë:
Injoranca nuk është Argument zonja prokurore PPP.
Mund të zgjedhësh të heshtësh për të mbuluar kokëboshësinë. Mund të zgjedhësh të mos flasësh për të fshehur budallallëkun që të karakterizon. Por nuk ke pse ushtron dhunë ndaj një gazetari, (të pa armatosur), të pa rrezikshëm, që do të dijë vetëm pse ju nuk nisni hetime për përgjegjësit e ngjarjes në aeroport.
Unë do të vazhdoj të bëj punën time me ndershmëri, dinjitet dhe pasion, ashtu siç e kam bërë deri tani. Unë nuk jam i përkohëshëm. Nuk jam nga ata që i bëjnë fresk pushtetit, dhe nuk kam për të qenë kurrë.
(P.S. Mirë truprojën, e kuptoj, se është një copë mishi me dy sy që ashtu i kanë dhënë urdhër, po Ulqiu ç’do që përpiqet të më largojë dorën, kur i drejtoj mikrofonin prokurores së përgjithëshme të përkohëshme, për ta pyetur për hetimet e grabitjes? Pse i djeg Ulqiut?)
Video:
https://www.facebook.com/boldnews.al/videos/327949144528797/
