Presidenti i Republikës, Ilir Meta , ka kërkuar ditën e sotme informacione të detajuara nga Shtabi i Përgjithshëm, për dërgimin e Ushtrisë në aeroportin e Rinasit.
Meta kërkesë Kollçakut mbi bazën ligjore të vendosjes së ushtrisë në Rinas.
Por Komandanti i Forcave të Armatosura, Presidenti i Shqipërisë Ilir Meta nuk ka dhënë asnjë urdhër për lëvizje të ushtrisë, siç edhe e ka me Kushtetutë.
Për këtë arsye është kërkuar informacion nga Shefi i Shtabit të Përgjithshëm të FA.
Deklarata e Presidencës:
I pyetur nga mediat, zëdhënësi i Presidentit të Republikës, Tedi Blushi pohon se:
Presidenti i Republikës i ka kërkuar zyrtarisht informacion Shefit të Shtabit të Përgjithshëm të FA, Gjeneral Brigade Bardhyl Kollçakut, mbi bazën ligjore të vendosjes së efektivëve të Policisë Ushtarake dhe Batalionit Special të Forcave tona të Armatosura në perimetrin e sigurisë së aeroportit ‘Nënë Tereza’.
Pasi të ketë një informacion më të plotë mund të bëjë një reagim publik.
