Nga Boldnews.al
Sa shumë gaz hodhi dje Policia në Bregun e Lumit. Ishte qejf, një bombë dhe nga shtëpitë dilnin fëmijë, gra e të moshuar të trullosur, pa pikë fryme e më kollitje të vazhdueshme.
Eksperimenti i ministrit Sandër Lleshaj (i njohur tashmë si Gaz Lleshi), ishte kryer më parë edhe mbi turmat protestuese të opozitës, por nuk e dinin çfarë efekti do kishte në ambientet e mbyllura.
Po nuk e la Lali Eri pa eksperiment. Armiqtë dhe “kriminelët” e vendit i gjeti në afërsi të Bregut të Lumit. Duheshin shembur shtatë banesa dhe u thirr në ndihmë Policia e Shtetit. Morën gaz lotsjellës me shumicë dhe u nisën në të gdhirë, larg medias, diku rreth orës 06.00, operacioni “Gaz paç” u vu në zbatim…
Pasojat ishin “fantastike” për policinë dhe bashkinë. Njerëzit ranë përbys, nuk kishin forcë të reagonin për të mbrojtur shtëpitë, madje ikën me shpejtësi prej banesave, duke i lënë poshtë fadromave. Eksperimenti kaloi me sukses, gazi lotsjellës në ambientet e mbyllura të linte pasoja edhe më të rënda.
Mësohet se sasia e gazit është ende në shifra të larta, por nëse do të duhen sërish, është gati një tender për këtë “gjentje të re” të Edi Ramës, Sandër Lleshajt dhe Erion Veliajt.
I ka provuar në dy forma, kundër protestuesve të opozitës në ambient të hapur dhe kundër banorëve që mbrojnë shtëpitë e tyre në ambiente të mbyllura. Por ka edhe një tjetër vend ku mund ta përdorë gazin lotsjellës, në një tjetër eksperiment.
Është Aeroporti i Rinasit, një miksin faktorësh që gërshëtohet ambienti i mbyllur, i hapur e madje edhe në avionë. Ndoshta ministri, kur pa sesi grabitësit u futën në pistë, rrëmbyen rreth 10 milionë euro dhe më pas u larguan mund të ishte përdorur gazi lotsjellës.
Vetëm momenti nuk qe i përshtatshëm, pasi bombat me gaz ditën e djeshme ishin përdorur kundër banorëve. Sinptomat që po shfaqin gra, fëmijë, të rinj e moshuar janë po aq me kuriozitet për tu ndjekur. Me gjasë shqisat e tyre do të veniten dhe nuk do kenë më forcë për të protestuar ndaj qeverisë. Gaz, Gaz, Gaz….!
