Nga Boldnews.al
Një hetim i zhvilluar nga prokurori i Durrësit Arjan Ndoja, është finalizuar paraditen e së Mërkurës me arrestimin e shtetasit Ylli Agasi, i cili është përfshirë në një konflikt serioz me punonjësit e sigurisë së Portit të Durrësit, në fund të Shkurtit 2019.
Në atë ngjarje, Agasi ishte i shoqëruar edhe me dy persona të tjerë, të cilët u arrestuan disa ditë më parë dhe gjykata ndaj tyre ka caktuar masë sigurimi “detyrim për paraqitje”.
Ngjarja u bë fillimisht publike nga një denoncim i mbërritur në profilin zyrtar të ish-kryeministrit Sali Berisha. Sipas denoncimit, disa persona të armatosur kanë hyrë në Portin e Durrësit, kanë goditur rojet e sigurisë dhe, pasi nuk kanë arritur të shkojnë më thellë, janë larguar nga vendngjarja.
Për këtë rast, Prokuroria e Durrësit ka nisur hetimin, në bazë të denoncimit të kryer nga personat e dëmtuar nga punonjësit e dëmtuar.
Oficeri i Policisë Gjyqësore, Arbnor Shehu, ka ndjekur veprimet proceduriale të urdhëruara nga prokurori Ndoja, në përfundim të të cilave është arritur në identifikimin dhe arrestimin e autorëve.
Sipas informacioneve të siguruar nga “Boldnews.al” rezulton se pasditen e datës 25 Shkurt 2019, 3 persona të cilët po udhëtonin me një automjet, kanë tentuar të hyjnë me forcë në Portin e Durrësit.
Lëvizja e tyre është ndaluar nga punonjësit e sigurisë së Portit. Katër personat, mes tyre edhe Agasi, kanë goditur rëndë disa prej punonjësve. Më pas ata janë larguar nga vendi i ngjarjes, duke lënë të dëmtuar rëndë shtetasin I.SH, i cili pësoi hemoragji cerebrale.
Në bazë të veprimeve hetimore, këqyrjes së kamerave të sigurisë, si edhe dëshmisë së personave të dëmtuar, prokurori Ndoja dhe oficeri Shehu kanë evidentuar shtetasin Ylli Agasi si personin më aktiv në goditjen e punonjësve të Policisë. Gjithashtu, Agasi rezulton që është personi që ka goditur me grushta dhe sende të forta shtetasin I.SH., i cili pësoi goditjet më të rënda.
Pas kryerjes së veprimeve hetimore, Prokurori Ndoja ka urdhëruar ndalimin e 4 persona, të dyshuar për kryerjen e veprës penale të goditjes për shkak të detyrës dhe armëmbajtje pa leje.
Para arrestimit të Ylli Agasit, kanë dalë para gjykatës edhe shokët e tij, Henri Bekteshi e Rajmond Dashi.
