Një tjetër furgon është gjetur i djegur mëngjesin e sotëm në zonën e Tapizës. Dyshimet e para të policisë janë se ky automjet mund të jetë përdorur nga grabitësit e rreth 10 milionë eurove ditën e djeshme, në pistën e aeroportit ndërkombëtar të Rinasit.
Hetimet janë përqëndruar në faktin nëse ky automjet i dytë ka ose jo lidhje me grabitjen. Burimet bëjnë me dije se brenda furgonit janë gjetur armë automatike dhe granata, çka shton dyshimet se aim und të jetë përdorur nga grabitësit ditën e djeshme.
Burimet bëjnë me dije se aktualisht automjeti po i nënshtrohet ekspertizës.
Një ditë më parë policia gjeti një tjetër automjet “Mercedez Vito” të djegur në vendin e quajtur “Kodra e Kuqe” pranë Babrrusë.
Në ngjarjen e djeshme, si pasojë e shkëmbimit të zjarrit mes policisë dhe grupit të grabitësve, mbeti i vrarë një person, që dyshohet se është Admir Murataj.
