Grabitësi i vrarë dje në mesditë në Rinas është Admir Murataj. Lajmi i dhënë nga mediat greke fillimisht, duket se është konfirmuar edhe nga policia shqiptare.
Admir Murataj, që u ekzekutua 2 km nga Rinasi, ka qenë organizatori i grabitjes.
Gjatë ditës së djeshme ai kishte përdorur një maskë silikoni dhe syze në mënyrë që të mos identifikohej nga ana e policisë.
Vetëm në momentin kur policia e ka qëlluar në kokë, është zbuluar se poshtë burrit ‘’tullac”, fshihej një person rreth të 40-tave dhe me flokë.
Murataj ka qenë ende në kërkim për organizimin e dy grabitjeve të bujshme atë të në Qafë-Kashar pranë Rinasit dhe grabitjen e një banke te ‘Stacioni i Trenit’ në Tiranë, ku kanë qenë të përfshirë edhe disa ish-Komando të ushtrisë shqiptare.
Një ditë më parë mediat greke raportuan se personi i cili u vra nga shkëmbimi me armë zjarri me policinë gjatë grabitjes në Rinas është Admir Murataj.
Admir Muratajt është organizatori i tre grabitjeve me para të bankave, dy në 2015 dhe një në 2017 në Rinas, teksa anëtarët e tjerë të grupit janë dënuar.
CNN në gjuhën greke shkruan se Admir Murataj së bashku me 10 persona të tjerë shqiptare u arratis nga burgu i Trikalasë në vitin 2013.
Pas arratisjes së tij, më 16 maj 2013, ai kishte kryer së bashku me një bashkëatdhetar gryen një grabitje në një bankë në Larisa.
Siç shkruan CNN grek, pak kohë më vonë, Murataj mori pjesë në një tjetër grabitje, në një supermarket në Peristeri.
